Esto en sí mesmo non é un feito curioso, porque podía ser que a pechadura fose a mesma en tódalas aulas, é dicir, que tiveran a mesma disposición tanto de pernos, como dos contrapernos.
O realmente curioso era que había outro tipo de chaves que abría so unha clase, e non podía abrir as demais.
Esto creábame un conflito, porque a miña lóxica dicíame que:
1) Se as pechaduras eran iguais, tódalas chaves debían abrir as pechaduras.
2) Se as pechaduras non eran iguais, non era posible que dúas chaves diferentes abriran a mesma pechadura.
A miña curiosidade levoume a preguntarllo ao meu profesor de tecnoloxía, o cal díxome que eso non podía ser posible, que unha chave so abría unha pechadura.
Tras comprobar como para ser profesor non facía falta máis que ter un primo na xunta, dirixinme deica outro profesor, o de matemáticas, o cal sempre me pareceu moi intelixente, e que ademais era ao que vira con esa chave “máxica”.
A súa resposta foi moito máis satisfactoria, anque non me resolveu do todo o dilema. Este díxome que a chave que abría tódalas pechaduras das aulas era unha chave mestra, e por eso podía abrir todas.
Segundo el, as demais chaves non abrían todas porque eran chaves ordinarias, non mestras. O que non soubo dicirme é como funcionaban as chaves mestras.
Hoxe é o día no que sei como era posible esa situación, e tamén sei que aquel profesor sabía mais que ecuacións e logaritmos.
Todo o mundo ouvira falar das chaves mestras pero pouca xente sabe como funcionan realmente, hoxe imos desvelar ese segredo, que de segredo ten moi pouco.
As pechaduras tradicionais teñen dous elementos importantes, os pernos e os contrapernos, de xeito que cando tódolos pernos se aliñan crean UNHA liña que fai posible que o tambor xire.
Ac lave aquí esta en que crean UNH Aliña, é dicir, so 1 chave (sen contar coas bumpkeys, claro ;)) pode abrir esa pechadura.
Pero o que os meu sollos viron naqueles anos na ESO era que dúas chaves diferentes abría nunha mesma pechadura.
Parque que unha pechadura poda ser aberta con mais dunha chave, necesitamos que se cre, ou se poda crear mais dunha liña, ¿e como conseguimos esto?, pois moi fácil, engadimos espazadores entre os pernos e os contrapernos.
Deste xeito agora hai dúas liñas, unha chave por exemplo podería abrir a pechadura pola liña superior, é dicir, deixando o espazador por debaixo, e a segunda chave podería abrir a pechadura pola liña inferior, é dicir, deixando o espazador por riba.
Agora xa sabemos que dúas chaves diferentes poden abrir unha mesma pechadura, pero, ¿como pode ser que a chave mestra poda abrir outra pechadura e a outra chave non?.
Imos supoñer dúas pechaduras, con 5 pernos cada unha. E 3 chaves, unha mestra que deberá abrir as dúas pechaduras, e as outras 2 que somente deberán abrir unha das dúas.
Cada val da chave pode ter 9 alturas, imos supor que as nosas chaves teñen estas alturas:
- MESTRA: 7.4.8.4.3
- CHAVE 1: 7.4.3.4.3
- CHAVE 2: 3.4.8.4.3
A Pechadura 1 ten un espazador no terceiro perno, un espazador de 5 alturas, é dicir, que tanto a chave 7.4.8.4.3 como a 7.4.3.4.3 abrirán esta pechadura.
A pechadura 2 ten un espazador no primeiro perno, un espazador de 4 alturas, é dicir, que tanto a chave 7.4.8.4.3 como a 3.4.8.4.3 abrirán esta pechadura.
¿Qué sacamos en claro con esto?, pois que a chave mestra é efectiva, pois abre as dúas pechaduras. E ademais, a chave 1 non funciona coa pechadura 2, porque o terceiro contraperno bloquearía o bombín.
Un exemplo moi claro onde se usan estas chaves é nos hoteis, pois o servizo non vai ir con 300 chaves, senón que cunha chave mestra pode abrir tódalas habitacións, pero un cliente non pode entrar na habitación do lado, “en teoría”.
Como reto, para o que queira, o modelo que explicamos aquí con estas tres chaves, ten un grande erro de seguridade, de moi fácil solución, ¿Alguén o ve?
No hay comentarios:
Publicar un comentario