domingo, 30 de mayo de 2010

AS RAPAZAS DE FLORES, por Victor Aneiros Band





No barrio das Flores

ollos doces, moños de seda
que lles liban as nádegas
nun bate-las ás de bolboreta.

E se as miran nas pupilas
elas apertan as pernas
co medo de que o sexo
lles caia na verea.

As rapazas de Flores
pasean do brazo
e así se transmiten
o seu estremecemento.

E pola noite
das teimas van a remolque
ós homes que as sufocan
e quixeran repeler.

E pola tarde penden os peitos
sen madurar dos balcóns
e os vestidos empurpúranse
sentíndose espidos.

No hay comentarios: