Os expertos de Photoshop que retocan dixitalmente os corpos das modelos, con intençións de disimular imperfecións, moitas veces equivócanse. En ocasións os erros imprímense e as revistas mostran verdadeiras aberraçións como as seguintes.
O uso do Photoshop no retoque das fotografías de modelos e celebridades xa non é novidade para ninguén. As marabillas que pode facer alguén que domine ben este programa permite agochar enrrugas, alisar graxas ou mellorar a contorna dalgunha coxa caída.
Nas produçións das revistas, xeralmente, o Photoshop é usado a manchea para embelecer aos/as modelos/celebridades e presentarlle ao consumidor unha mentira enfeitada.
O problema é cando os deseñadores mostran o fío e deixan escapar fallas que deixan en evidencia o procedemento. Os seguintes exemplos son bastante ilustrativos.
No primeiro exemplo que mostramos, recollido por A Cocteleira, pode notarse a unha modelo cunha cintura de nespra. Ou así o creríamos, se o deseñador, no seu afán por estreitarlle o corpo, non estirara tódalas baldosas que aparecen no fondo.
O segundo caso é o máis espantoso. O deseñador púxose a adelgazar unha das pernas da modelo, pero entusiasmouse tanto que lle borrou unha parte, e un anaco de extremidade quedou pendurando abaixo como un tipo de experimento Frankestein no mundo da modelaxe.
O terceiro é un caso para a nosa sección de Lendas Urbanas. Jessica Simpson paséase pola praia, pero non está soa. Cinco dedos misteriosos asoman sobre o seu ombreiro esquerdo e non hai ninguén preto para reclamalos. O enigmático acompañante foi borrado mediante a técnica dixital, pero os cinco dedos da súa man esquerda permanecen alí para testemuñalo.
O derradeiro é un antes e despois. Aquí ve o que pasa cando unha persoa normal, pousando en bikini, é tocada pola man de Deus dos deseñadores.
No hay comentarios:
Publicar un comentario